4 սխալ, որոնք կատարում են գնորդները անշարժ գույքի գնման ընթացքում

Անշարժ գույքի գնումը շատ լուրջ և կարևոր գործընթաց է, որը երբեմն ուղեկցվում է մի շարք բարդություններով, ուստի կարևոր է մի շարք սխալներից խուսափելու համար, հաշվի առնել ցանկացած մանրուք։ Եթե որոշել եք Երևանում կամ Հայաստանի որևէ այլ բնակավայրում գնման գործընթացն իրականացնել ինքնուրույն՝ առանց ռիելթորի միջնորդության, սխալվելու հավանականությունը, կարելի է ասել, անխուսափելի է:

Հայաստանում անշարժ գույքի շուկայում 2018 թ.-ի 2-րդ և 3-րդ եռամսյակներում, որքան էլ որ զարմանալի է (չնայած քաղաքական իրադարձություններին) հետաքրքիր ակտիվություն է նկատվում գործարքների թե քանակական աճի, թե գնաճի առումով: Շուկայի նման ակտիվության պայմաններում պետք է յուրաքանչյուր գնորդ ուշադիր լինի գործարքի ընթացքում և խուսափի սխալվելուց։

Այսպիսով, անշարժ գույքի՝ բնակարանների, առանձնատների, տարածքների գնման գործընթացում գնորդները կարող են սխալվել մի քանի ասպեկտով: Ներկայացնենք դրանցից 4-ը`

  1. Ընտրել ոչ ճիշտ անշարժ գույք: Գնորդը երկու տեսանկյունից է նայում անշարժ գույքին՝ կենցաղային հարմարությունը համադրում է ֆինանսական հակակշռի հետ: Հաճախ այս հակակշիռները խախտվում են, քանի որ գնորդը միայն գիտի՝ ինչպիսի բնակարան կամ առանձնատուն է ցանկանում ունենալ, սակայն չգիտի՝ արդյո՞ք տվյալ բնակարանն արժե այնքան, որքան առաջարկում է վաճառողը: Իսկ ռիելթորին դիմելու պարագայում, վերջինս կօգնի գնորդին կողմնորոշվել ընտրված գույքի գնի հարցում ոչ միայն տվյալ պահի, այլև հետագայում՝ լիկվիդայնության առումով: Թե որքանով է լիկվիդային գնված գույքը, կամ ավելի հասկանալի ձևակերպած՝ եթե գնում եք գույքը, հնարավո՞ր է 2-3 կամ 5 տարի անց վաճառել այն նախընտրելի պայմաններով: Շատ դեպքերում անշարժ գույքը հենց ներդրումային տարբերակով է գնվում, և այդ առումով առավել կարևոր է, որ գնորդը նախապես իմանա՝ ինչ գույք է գնում, ինչ եկամտաբերությամբ և հետագայում որքան գումար կարող է վաստակել։
  2. Տանուլ տալ բանակցություններում: Սեփականատերը կարող է ավելի ուժեղ բանակցող լինել կամ ունենալ ռիելթոր և հաղթել՝ վաճառելով ավելի թանկ: Այդ պարագայում գնորդը կարող է կորցնել ժամանակ և գումար, քանի որ չի կարող ճիշտ գնիջեցում կատարել, եթե չի տիրապետում բանակցային հմտություններին կամ չունի մասնագետի օժանդակություն: Պետք է հաշվի առնել, որ ռիելթորը նախևառաջ ընտրում է բանակցային ճիշտ ստրատեգիա, որպեսզի մաքսիմալ գնիջեցում կատարի՝ իր գիտելիքների և ունակությունների շնորհիվ: Այս դեպքում գնորդը միշտ առնվազն 5%-ով շահում է. գնում է ավելի էժան, քան վաճառողն է «գնահատում»:
  3. Իրավանաբանության մեջ սխալվելու ռիսկեր: Սա ամենանուրբ և, միևնույն ժամանակ, ամենաբարդ հարցերից մեկն է, որի միջով գնորդները հազվադեպ են կարողանում անցնել միայնակ՝ առանց մասնագետի օգնության: Շատ ռիելթորական ընկերություններ ունեն մասնագիտացված իրավաբաններ հատուկ անշարժ գույքի գործարքների համար։ Կան նաև այնպիսները, որոնք չունեն հատուկ իրավաբաններ և իրենք են կազմակերպում փաստաթղթերի հետ կապված բոլոր գործընթացները: Ի վերջո, հմուտ ու բանիմաց ռիելթորը իրավական մասով ողջ պատասխանատվությունը վերցնում է իր վրա, քանի որ ունի բոլոր գիտելիքները ողջ գործընթացը կազմակերպելու համար: Ստացվում է ժամանակի ու փողի խնայողություն, ինչպես նաև՝ ռիսկերի զսպում:
  4. Հիփոթեքային վարկի դեպքում սխալվելու ռիսկեր: Հաճախ լինում են բանկերի հետ կապված թյուրիմացություններ և բարդություններ: Անհրաժեշտ է հավաքագրել բոլոր փաստաթղթերը և դիմել ճիշտ բանկ: Այս պարագայում նույնպես ռիելթորի օգնությունը կլուծի մի շարք հարցեր: Մասնագետը թղթապանակով փաստաթղթերը հանձնում է համապատասխան բանկ, որը, որպես գործընկեր, կարող է դարձնել գործընթացն ավելի դյուրին ու նույնիսկ մի քանի օրով արագացնել այն։

Վերոնշյալ բոլոր սխալների ցանկն ամբողջական չէ, քանի որ անշարժ գույքի հետ կապված յուրաքանչյուր գործարք ունի իր անհատական կողմերը, սակայն բոլոր դեպքերում, բոլոր հնարավոր սխալներից կարելի է խուսափել՝ դիմելով ռիելթորին:

Առանց մասնագետի միջնորդության անշարժ գույքի շուկայում հեշտությամբ կարելի է խաբվել կամ հայտնվել այնպիսի իրավիճակում, որից լուծում գտնելը շատ ավելի բարդ է: Իսկ ռիելթորը կտրամադրի խորհրդատվություն, կանի առաջարկներ՝ ներկայացնելով շուկայի վերլուծություն, կօգնի գնորդին ստեղծել շուկայի վերաբերյալ ճիշտ պատկերացում՝ բազմաթիվ պրակտիկ օրինակներով:

Կարդալ ավելին

Ինչպե՞ս գնել սեփական տուն

Հիփոթեքային վարկի ձեվակերպումը Հայաստանում 2019 թ.

Առաջին ու վերջին հարկերի բնակարաններ․թերություններ, առավելություններ և գներ