Գործարքներ կարելի է կնքել առանց նոտարական գրասենյակ այցելելու
Այսուհետ անշարժ գույքի առքուվաճառքի, նվիրատվության, վարձակալության և մյուս գործարքները հնարավոր է կնքել նաև Կադաստրի գրասենյակներում՝ առանց նոտարական գրասենյակ այցելելու։
Ինչպես տեղեկացնում է Կադաստրի կոմիտեի ՖԲ էջը, միակ պայմանն այն է որ պայմանագրերը պետք է լինեն սահմանված օրինակելի ձևերով: Պայմանագրերի պատշաճ պատրաստման համար պետք է անձամբ այցելել Կադաստրի կոմիտեի ցանկացած գրասենյակ, որտեղ կօգնեն կազմել համապատասխան պայմանագիրը: Ի դեպ, պայմանագիր կազմելու ծառայությունն անվճար է:
