Մարզերում ապրիլ ամսին նկատվել է բնակարանների գների չնչին աճ
Վերլուծելով մարզերում վաճառված բնակարանների 1քմ հաշվարկով միջին գների վերաբերյալ Կադաստրի կոմիտեի 2019թ․ ապրիլ ամսվա տվյալները և ընդհանրացնելով բոլոր ցուցանիշները, կարող ենք փաստել, որ նախորդ ամսվա՝ մարտի համեմատ մարզային բազմաբնակարան շենքերում բնակարանների գներն աճել են միջինը ընդամենը 0.4%-ով։ Լոռվա ու Վայոց ձորի քաղաքներում գները մնացել են նույնը, իսկ Ծաղկաձորում նկատվել է մինչև անգամ գնանկում 1,3%-ի չափով։ Ամենաբարձր գնաճը արձանագրվել է Կապան քաղաքում՝ 2.5% -ի չափով։