Հայաստանում օտարերկրացիները սկսել են 2 անգամ ավելի շատ անշարժ գույք ձեռք բերել
ՀՀ Անշարժ գույքի կադաստրի պետական կոմիտեի 2019թ ապրիլի վերլուծության համաձայն՝ ՀՀ-ում օտարերկրյա քաղաքացիների կողմից անշարժ գույքի ձեռքբերման թիվը նախորդ տարվա ապրիլի համեմատ աճել է միջինում 2 անգամ:
Հետաքրքրական է, որ Երևանում այդ աճը մոտ 90% է, իսկ մարզերում, բացի Լոռիից Տավուշից, գործարքների թվի աճն անգամներով է։ Ռեկորդը Արարատի մարզում է՝ 13 անգամ։
Օտարերկրա քաղաքացիների կողմից գույքի ձեռքբերման աճը հանրապետությունում նկատելի է նաև այս տարվա մարտ ամսվա համեմատ՝ մոտ 24%:
