Անշարժ գույքի շուկան կարծես թե արտացոլում է ներդրումների աճ

Այս տարվա ապրիլին, Հայաստանում օտարերկրյա քաղաքացիների կողմից գնված անշարժ գույքի գրեթե կեսը կազմում են բնակարանները, մեծ թիվ են կազմում նաև առանձնատները։ Սակայն այս տարի անցյալ տարվա ապրիլի համեմատ, ըստ ՀՀ Կադաստրի կոմիտեի տվյալների, մեծապես աճել են հասարակական և արտադրական նշանակության շինությունների ձեռքբերման դեպքերը (համապատասխանաբար՝ 5.5 և 2 անգամ), 3 անգամ էլ ավելացել է հողերի ձեռքբերման գործարքների թիվը։  Այս թվերը փաստում են, որ Հայաստանում նկատվում է ներդրման նպատակով անշարժ գույքի ձեռքբերման տենդենց։